Gesegdes en Spreuke van St. Filip Neri

22 NOVEMBER - Die grootste gevaar vir die geestelike lewe lê daarin dat ons onsself wil beheer na ons eie goeddunke.

Skakels

St. Luigi Scrosoppi Sorgsentrum

Scrosoppi Sorgsentrum

  St. Luigi Scrosoppi Sorgsentrum | Ontdek die Scrosoppi Sorgsentrum in die hartjie van Bridgton township.
Bisdom Oudtshoorn

Suider-Afrikaanse Katolieke Biskoppe Konferensie

  Bisdom Oudtshoorn | Die tuiste van die Oratorium in die Klein-Karoo.
Oratorium Uitgewery

DOU

  Die Oratorium Uitgewery | Afrikaanse Katolieke Publikasies
Die Konfederasie van die Oratorium van St. Filip Neri

Konfederasie van die Oratorium

  Die Konfederasie van die Oratorium se amptelike webblad.
Suider-Afrikaanse Katolieke Biskoppe Konferensie

Suider-Afrikaanse Katolieke Biskoppe Konferensie

  Die Suider-Afrikaanse Katolieke Biskoppe Konferensie.
  • ATPS skakel - klik op die foto
  • Roepingsinfo
  • DOU skakel - klik op die foto
  • Kry DIREKTE nommers hier, klik vir die lys!
 
Die Oratorium van St. Filip Neri - Oudtshoorn
23 November | St. Clemens I, pous en martelaar
Bronmateriaal - Heiliges

 

St. Columbanus, ab

Pous Clemens was teen die einde van die eerste eeu die derde opvolger van die apostel Petrus. Hy is bekend vir die brief wat hy aan die Korintiërs geskryf het om hul onderlinge vrede en eensgesindheid te versterk. St. Ireneaus skryf dat St. Clemens “die salige apostels Petrus en Paulus geken het en met hulle gepraat het, en dat hul prediking nog in sy ore was en hul tradisie voor sy oë”. Daar is egter feitlik niks oor sy lewe bekend nie en dis onwaarskynlik dat die Clemens na wie St. Paulus verwys in sy brief aan Filemon (4: 3) dieselfde persoon as die pous is. Van die vroegste tye af is sy naam herdenk in die kanon van die Heilige Mis en volgens oorlewering rus sy relieke in die kerk van San Clemente in Rome.

 
23 November | St. Columbanus, ab
Bronmateriaal - Heiliges

 
 

St. Columbanus, ab

Columbanus is in die eerste helfte van die sesde eeu in Ierland gebore. As twintigjarige word hy 'n monnik van die klooster Bangor in Noord-Ierland. Hier lei hy 'n lewe van gebed, askese en studie. In Bangor word hy ook tot priester gewy. Die kloosterlewe en die voorbeeld van die diepgelowige maar streng ab Comgall het 'n groot invloed op Columbanus se lewe gehad.

Lees meer...
 
22 November | St. Cecilia, maagd en martelares
Bronmateriaal - Heiliges

 
 

St. Cecilia, maagd en martelares

Volgens die vroeë Christelike geskrifte wat as die “Handelinge van Cecilia” bekend staan, was sy ‘n patrisiër meisie van Rome wat as Christin groot geword het. Sy was besonders vroom en het glo onder die ryk kleding van haar rang ‘n growwe ou kleed gedra. Sy het ook ‘n paar dae elke week gevas en was vasbeslote om haarself totaal aan God toe te wy. Haar vader had egter ander planne en gee haar as bruid aan ‘n jong patrisiër genaamd Valerianus. Toe die jong paartjie na hul huweliksfees na hul kamer gelei is, vertel sy aan haar bruidegom dat sy ‘n engel het wat oor haar waak en dat sy haarself aan God beloof het. Valerianus was verbaas maar ook nuuskierig en vra haar toe om dié engel aan hom te wys. Cecilia verklaar dat hy die engel sal sien as hy gedoop word- daarop dring hy aan om na biskop Urbanus geneem te word en net daar en dan die doop te ontvang. En toe hy dit gedoen het, was hy verstom om die engel te kon sien. Beide Valerianus en sy broer Tiburtius wy hulself nou toe aan Christus. Hulle word egter gevang terwyl hulle besig was om van die martelare te begrawe. Hulle is voor die prefek gebring wat hulle beveel het om aan die gode te offer. Toe hulle weier is hulle albei na ‘n plek genaamd Pagus Triopus ongeveer vier myl buite Rome geneem en daar onthoof.

Lees meer...
 
«BeginVorige12345678910VolgendeEinde»

Bladsy 1 van 190

© 2015 | Die Oratorium : Oudtshoorn | Alle Regte Voorbehou
Die eerste Oratorium ooit in Afrika | Kerkwetlik opgerig 1997
Webmeester Vernon D. Macaskill Meyer C.O.